Əgər siz axşam yeməyini desertsiz təsəvvür edə bilmirsinizsə və ya yatmağa bir neçə dəqiqə qalmış soyuducunu və ya qəlyanaltı şkafını "yoxlamağa" başlayırsınızsa, tək deyilsiniz...
Poliqon xəbər verir ki, buna baxmayaraq Parade nəşri bunun ən yaxşı vərdiş olmadığını yazır.
"Yemək qəbulu və fiziki fəaliyyət kimi hərəkətlər orqanizmi stimullaşdırır və yuxunun keyfiyyətinə, həmçinin yuxuya getmə qabiliyyətinə təsir göstərir. Mədəmiz təxminən üç saata tam boşalır", deə diyetoloq-nutritionist Sandra Çjan izah edib.
Məqalədə bildirilir ki, əgər insan təxminən saat 22:00-da yatırsa, o zaman 19:00-dan sonra mətbəxə getməyi unutmalıdır. Əgər yatmazdan əvvəl dondurma və ya tost yemək vərdişindən imtina edə bilmirsinizsə, unutmayın ki, yuxu orqanizmdə ən vacib proseslərdən biridir və yemək qəbulu səbəbindən pozula bilər.
Nəşr izah edir ki, insan gec saatlarda yemək yeyəndə orqanizm enerjini həzm prosesi ilə yuxuya hazırlayan təbii sakitləşmə prosesi arasında bölüşdürməyə məcbur olur.
Həmçinin qeyd olunur ki, qan axını mədə və bağırsaqlara yönəlir, bədən temperaturu arta bilər, həzmdə iştirak edən hormonlar aktivləşir — bütün bunlar beyinə “oyanıqlıq” siqnalları göndərir. Vurğulanır ki, insan bunu hiss etməsə belə, bu hal yuxuya getmə prosesini və yuxunun özünü çətinləşdirə bilər.
Bundan əlavə, gec saatlarda yemək yemək, uzandıqdan sonra turşu reflüksü, qarın köpü və narahatlıq ehtimalını artıra bilər. Bu səbəbdən insan gecənin ortasında oyanabilir. Nəşr bildirir ki, yatmazdan əvvəl mütəmadi yemək yemək zamanla yuxunun keyfiyyətinin pisləşməsinə, dərin bərpaedici yuxu müddətinin azalmasına və növbəti gün yuxululuğa səbəb ola bilər.
"Yatmazdan əvvəl ara-sıra qəlyanaltı etmək böyük problem olmasa da, bunu gündəlik vərdişə çevirmək orqanizmin təbii sirkadiyal ritmini və bərpa proseslərini poza bilər", deyə materialda qeyd olunur.
Diyetoloqlar Treysi Briqman və Lora O’Konnor xəbərdarlıq edir ki, yatmazdan əvvəl yemək yemək turşu reflüksü və ya mədə yanması tutmalarını gücləndirə, həmçinin yuxu pozuntularına səbəb ola bilər. Məhz buna görə bu üç saatlıq interval orqanizmə qidanı həzm etmək üçün kifayət qədər vaxt verir ki, o, yuxu zamanı bu proseslərlə məşğul olmaq əvəzinə, sizi lazım olan istirahətə çatdırmağa fokuslana bilsin.
Ekspertlər qeyd edirlər ki, əgər insan hansısa səbəbdən yatmağa üç saatdan az qalmış yeməlidirsə, o zaman az yağlı və yüngül yeməklərə üstünlük vermək daha yaxşıdır.
Əgər siz yatmazdan 3 saat əvvəl axşam yeməyi yeməməyə və ya qəlyanaltı etməməyə vərdiş etsəniz, orqanizmdə bu dəyişikliklər baş verəcək:
* Orqanizm daha az insulin ifraz edir, çünki qanda şəkər səviyyəsi stabilləşir;
* Melatonin səviyyəsi artır;
* Bədən toplanmış yağın yandırılması üzərində işləyir;
* Əzələlər daha effektiv şəkildə bərpa olunur.
Poliqon.info
