Ekspertlər bunu qlobal fəlakət təhlükəsinin birbaşa siqnalı adlandırır və beynəlxalq müqavilələrin pozulmasına işarə edirlər.
QHT.az xəbər verir ki, “Bulletin of the Atomic Scientists” Qiyamət Saatını gecə yarısına 85 saniyə qalmış dayandıraraq bəşəriyyət üçün artan qlobal fəlakət riskinə diqqət çəkib. Alimlər bu qərarın əsas səbəbləri kimi Rusiya–Ukrayna müharibəsi, Yaxın Şərqdə gərginlik, Hindistan–Pakistan qarşıdurması, süni intellektin nəzarətsiz inkişafı və iqlim dəyişikliyini göstəriblər.
Mütəxəssislər bildirir ki, beynəlxalq əməkdaşlığın zəifləməsi, saxta süni intellekt görüntülərinin ictimai çaşqınlıq yaratmaq potensialı və qlobal istiləşmə ilə bağlı tədbirlərin yetərsizliyi riskləri daha da artırır. Qiyamət Saatı bəşəriyyətin özünü məhv etməyə nə qədər yaxın olduğunu simvolik şəkildə göstərir və son illərdə ardıcıl olaraq gecə yarısına daha da yaxınlaşır.
R.İmanov
