2025/2026 Çempionlar Liqasının əsas mərhələsi 28 dekabrda başa çatıb. Londonun “Arsenal” komandası 24 xalla turnir cədvəlinə başçılıq edir. Mikel Artetanın komandası Qazaxıstanın “Kayrat” komandasını 3-2 hesabı ilə məğlub edib.
Növbəti sıralarda “Bavariya”, “Liverpul”, “Tottenhem”, “Barselona”, “Çelsi”, “Sportinq” və “Mançester Siti” yer alıb.
Doqquzuncudan 24-cü yerə qədər olan yerləri “Real Madrid”, “İnter Milan”, PSJ, “Nyukasl Yunayted”, “Yuventus”, “Atletiko Madrid”, “Atalanta”, “Bayer Leverkuzen”, “Borussiya Dortmund”, “Olimpiakos”, “Klub Brügge”, “Qalatasaray”, “Monako”, “Qarabağ”, “Büdo-Qlimt” və “Benfika” tutub.
Aşağıdakı komandalar mübarizədən kənarlaşdırılıb: “Marsel”, “Pafos”, “Union FC”, PSV, “Atletik Bilbao”, “Napoli”, “Ayaks”, “Ayntraxt Frankfurt”, “Slaviya Praqa”, “Vilyarreal” və “Kayrat”.
Xatırladaq ki, 1/8 finala birbaşa vəsiqə qazanan ilk səkkiz komanda ümumi mərhələnin səkkiz turunun nəticələrinə əsasən müəyyən edilir, doqquzuncu-24-cü yerlərdəki klublar isə 1/8 finala vəsiqə qazanmaq uğrunda mübarizə aparırlar.
