Səkkiz ildən sonra ilk rəsmi səfər çərçivəsində yüksək səviyyəli görüşlər planlaşdırılır...
Poliqon xəbər verir ki, Böyük Britaniyanın baş naziri Kir Starmer dörd günlük rəsmi səfərlə Çinin paytaxtı Pekinə gəlib. “Sinxua” Agentliyinin məlumatına görə, bu, Britaniya hökumətinin rəhbərinin son səkkiz il ərzində Çinə ilk səfəridir. Səfərdən əvvəl Kir Starmer 2024-cü ilin noyabrında Rio-de-Janeyroda keçirilən G20 sammiti çərçivəsində Çin Xalq Respublikasının sədri Si Cinpinlə görüşüb.
Səfər proqramına əsasən, Britaniya baş naziri Pekində Si Cinpinlə danışıqlar aparmağı planlaşdırır. Reuters agentliyinin yazdığına görə, bu görüş üçün təxminən 40 dəqiqə vaxt ayrılıb. Bundan əlavə, Starmer Çin Dövlət Şurasının baş naziri Li Tsyan və Ümumçin Xalq Nümayəndələri Məclisinin Daimi Komitəsinin sədri Çjao Leji ilə də görüşmək niyyətindədir. Agentlik qeyd edir ki, Leyboristlər Partiyasının Böyük Britaniyada hakimiyyətə gəlişindən sonra London Pekinlə strateji münasibətləri inkişaf etdirməyə hazır olduğunu bəyan edib.
Məlumata görə, Britaniya nümayəndə heyətinin tərkibinə 50-dən çox iri şirkətin top-menecerləri, həmçinin müxtəlif britaniya qurumlarının təmsilçiləri daxildir. Səfərin əsas məqsədləri sırasında iqtisadi əməkdaşlığın genişləndirilməsi, ticarət əlaqələrinin dərinləşdirilməsi və siyasi dialoqun gücləndirilməsi göstərilir.
Poliqon.info
