Bakı şəhəri Xətai Rayon İcra Hakimiyyətinin (RİH) başçısının müavini Etibar Əhmədov vəzifəsindən azad olunub.
"Cebheinfo.az" iqtisadiyyat.az-a istinadən xəbər verir ki, bununla bağlı icra başçısı Rafiq Quluyev əmr imzalayıb.
Qeyd edək ki, E.Əhmədov 1956-cı ilin oktyabrın 24-də Balakən rayonunda anadan olub.
O, 2017-ci ildən Xətai RİH başçısının müavini vəzifəsində işləyib. Ondan əvvəl isə RİH-də müxtəlif vəzifələrdə çalışıb.
Azərbaycan 24-ə daxil olan məlumata görə, Etibar Əhmədovun işdən azad edilməsinə səbəb bir müddət əvvəl müğənni Röyanın rəsmi protokola zidd qarşılanma mərasimi ilə bağlı yaranan qalmaqal olub. Həmin tədbirin o şəkildə təşkilinin və Röya ilə bağlı dəvətin ideyasının məhz bu müavinə aid olduğu iddia edilir.
"Cebheinfo.az"
