Almaz inqilabı”: laboratoriyada yetişdirilən daşlar ənənəvi brilyantlara meydan oxuyur
Laboratoriyada yetişdirilən almazlar sürətlə bazar payını artıraraq təbii brilyant istehsalçılarına ciddi təzyiq göstərir. New York Post nəşrinin yazdığına görə, xüsusilə evlənən cütlüklər daha iri, daha parlaq və daha münasib qiymətli süni almazlara üstünlük verir və bu tendensiya klassik brilyant bazarında durğunluq yaradıb.
Hətta illərdir nişan üzüklərində prestijin simvolu sayılan De Beers şirkəti belə tələbatın azalması fonunda təbii almazların qiymətlərini səssiz şəkildə aşağı salıb. Bu isə laboratoriya şəraitində istehsal olunan daşların toy və nişan bazarında mövqelərini daha da gücləndirdiyini göstərir.
2023-cü ildə qlobal laboratoriya almazları bazarının həcmi 22 milyard dolları ötüb və 2032-ci ilə qədər bu göstəricinin 57 milyard dollara çatacağı proqnozlaşdırılır.
Eyni zamanda təbii brilyant bazarında 2022-ci ildən etibarən qiymətlərin aşağı düşdüyü və tələbatın zəiflədiyi bildirilir.
Ekspertlər qeyd edir ki, laboratoriyada yetişdirilən almazlar vizual baxımdan təbii daşlardan fərqlənmir və bəzən 70–90 faiz daha ucuz olur.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
