ain.az, 525.az portalına istinadən məlumat yayır.
Arxeoloqlar Meksikanın cənubundakı Oaxaka ştatında təxminən 1400 illik Zapotek mədəniyyətinə aid bir məzar aşkar ediblər.
525.az xarici KİV-ə istinadən xəbər verir ki, San Pablo Huitzo bölgəsində yerləşən və eramızın 600-cü illəri ətrafında tikildiyi müəyyən edilən məzar mütəxəssislər tərəfindən "son onilliyin ən vacib arxeoloji kəşfi" kimi təsvir edilir.
Meksika Milli Antropologiya və Tarix İnstitutunun açıqlamasına görə, məzar olduqca yaxşı qorunub saxlanılıb. Girişin üstündəki bayquş heykəli strukturun ən diqqətəlayiq elementlərindən biri kimi diqqət çəkir. Heykəlin dimdiyində kişi başının təsviri tapılıb. İnstitutun rəsmiləri bildiriblər ki, bu, məzarda dəfn olunmuş şəxsi təmsil edə bilər.
“CNN International”ın məlumatına görə, yüz minlərlə Zapotek dilində danışan insan bu gün də Meksikada yaşayır. Zapotek inanc sistemində bayquş gecəni və ölümü simvolizə edir. Bu simvolizm məzarın memarlıq və bədii elementlərində aydın görünür.
Dəfn yerində həmçinin güc və ölümlə əlaqəli simvolları özündə əks etdirən rəngarəng divar rəsmləri də var. Dəfn otağının astanasında müxtəlif əşyalar tutan iki insan fiqurunun oyma təsvirləri var. İnstitutunun əməkdaşlarının fikrincə, bu fiqurlar məzarın keşikçiləri kimi təsvir edilmiş ola bilər.
Meksika prezidenti Klaudiya Şeynbaum mətbuat konfransında kəşfin əhəmiyyətini vurğulayıb. O bildirib ki, qorunma səviyyəsinə və verdiyi məlumata görə, bu, son on ildə Meksikada ən vacib arxeoloji kəşfdir.
Meksikanın mədəniyyət naziri Klaudia Kuriel de İkaza isə bildirib ki, məzar Zapotek mədəniyyətinin sosial təşkilatı, dəfn mərasimləri və inanc sistemi haqqında müstəsna məlumatlar təqdim edir.
İbrahim Cəfərov
Daha ətraflı məlumat və yeniliklər üçün ain.az saytını izləyin.
