ABŞ prezidenti Donald Tramp Ceffri Epşteynin adasına getmədiyini iddia edərək dedi: "Mən heç vaxt Epşteynin həşəratla dolu adasına getməmişəm, amma demək olar ki, bütün bu əyri Demokratlar və onların donorları getmişdilər".
ABŞ prezidenti Donald Tramp sosial media hesabında Epşteyn işi ilə bağlı yeni açıqlanan sənədlərə münasibət bildirib.
Tramp bildirib ki, "Mənim Ceffri Epşteynlə dostluq münasibətim olmayıb və Ədliyyə Nazirliyinin yeni açıqladığı məlumata görə, Epşteyn və Maykl Volf adlı saxtakar yazıçı mənə qarşı sui-qəsd hazırlayıblar".
O, əlavə edib ki, onu hədəf alan açıqlamalar verənləri məhkəməyə verəcək və deyib: "Mən heç vaxt Epşteynin həşəratlarla dolu adasına getməmişəm, amma bu saxtakar Demokratların və onların donorlarının demək olar ki, hamısı getmişdi".
Ceffri Epşteyn işi:
18 yaşından kiçik, ən kiçiyi 14 yaşında olan onlarla qıza cinsi istismar etməkdə və fahişəlik şəbəkəsi idarə etməkdə ittiham olunan Epşteyn 10 avqust 2019-cu ildə Nyu-York Manhetten Metropolitan Mərkəzi Həbsxanasındakı kamerasında ölü tapılıb.
Açıqlanan Epşteyn işi sənədlərinə Şahzadə Endryu, ABŞ prezidenti Donald Tramp, ABŞ-ın keçmiş prezidenti Bill Klinton, İsrailin keçmiş baş naziri Ehud Barak, ABŞ-ın keçmiş vitse-prezidenti Al Qor, aktyor Kevin Speysi, müğənni Maykl Cekson, illüzionist Devid Kopperfild, vəkil Alan Derşovitz və Nyu Meksiko ştatının keçmiş qubernatoru Bill Riçardson kimi məşhur adlar daxil idi.
