Azərbaycanın 1-ci liqası təmsilçilərindən "Mingəçevir" növbəti transferini həyata keçirib.
QOL.az xəbər verir ki, bu barədə klubun mətbuat xidməti məlumat yayıb.
"Mingəçevir" Bahadur Həziyevi heyətinə qatıb. 26 yaşlı yarımmüdafiəçi ilə cari mövsümün sonuna qədər müqavilə imzalanıb.
B.Həziyev karyerası ərzində "Şamaxı", "Səbail" və MOİK-in də formasını geyinib.
Qeyd edək ki, "Mingəçevir" hazırda 1-ci liqada 21 xalla 4-cüdür.
Xatırladaq ki, "Mingəçevir" bunadək Nika Çaçaşvili, Əmrah Məmmədli və Qabil Əlizadəni transfer edib.
