ain.az, Ayna portalından verilən məlumatlara əsaslanaraq xəbər verir.
“Şirkətin irqi ayrı-seçkiliyə dair federal qadağaları poza biləcəyinə dair inandırıcı dəlillər var"
ABŞ Bərabər Məşğulluq İmkanları Komissiyası ağdərili işçilərə qarşı ayrı-seçkilik iddiaları ilə bağlı Amerika şirkəti olan “Nike” şirkəti barədə araşdırma başladılıb. AYNA.AZ xarici mediaya istinadən bildirir ki, bu barədə Agentliyin veb saytında açıqlama dərc edilib.
Bildirilib ki, komissiya “Nike” şirkətində ağdərili işçilərə qarşı sistematik "irqi ayrı-seçkilik" iddiaları ilə şikayətlər alıb. Buna cavab olaraq, komissiya ABŞ-ın Missuri ştatındakı federal rayon məhkəməsi vasitəsilə şirkətdən işçilərinin irqini və etnik mənsubiyyətini necə nəzərə aldığına dair hesabatlar təqdim etməsini tələb edib.
Komissiya sədri Andrea Lukasın sözlərinə görə, şirkətin "müxtəliflik, bərabərlik və inklüzivlik proqramlarının irqi ayrı-seçkiliyə dair federal qadağaları poza biləcəyinə dair inandırıcı dəlillər var". Lukas "hərtərəfli araşdırma" aparılacağını qeyd edib.
Federal komissiya ABŞ-dakı işəgötürənlərin hər hansı bir əsasda məşğulluqda ayrı-seçkiliyi qadağan edən qanunlara riayət etmələrini təmin etməkdən məsuldur.
“Nike” idman geyimləri və ayaqqabılarının əsas istehsalçısıdır.
Sonrakı hadisələr barədə daha çox məlumat almaq üçün ain.az saytını izləyin.
