Azad İran Teleqram kanalının yaydığı məlumata görə, İran Xarici İşlər Nazirliyinin sözçüsü İsmayıl Bəqayi bildirib ki, xarici işlər naziri Abbas Əraqçı ABŞ ilə nüvə danışıqları üçün Masqata gedən diplomatik nümayəndə heyətinə rəhbərlik edir. Bəqayinin sözlərinə görə, "danışıqlar İranın qəti mövqeyi ilə aparılacaq və məqsədi İran xalqının maraqlarını qoruyacaq və regionda sülh və sabitliyi qoruyacaq ədalətli, dürüst və qarşılıqlı məqbul bir razılaşmaya nail olmaq olacaq". Xarici İşlər Nazirliyinin sözçüsü qeyd edib ki, "keçmiş illərin təcrübəsi – o cümlədən əvvəlki razılaşmalar üzrə öhdəliklərin yerinə yetirilməməsi, iyun ayında hərbi hücumlar və ötən ilin dekabr ayındakı xarici müdaxilələr – həmişə İran tərəfinin gözü qarşısındadır. Eyni zamanda, İran öz maraqlarını qorumaq və regional sülhü möhkəmləndirmək üçün bütün diplomatik imkanlardan istifadə etmək niyyətindədir. Bəqayi eləcə də danışıqlar prosesinin hazırlanmasına məsuliyyətlə töhfə verən bütün qonşu və dost ölkələrə təşəkkürünü bildirib. İradə SARIYEVA

• Danışıqlar
• Masqat