Ermənistan Təhlükəsizlik Şurasının katibi Armen Qriqoryan Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Maqdalena Qrononu qəbul edib.
Herbiand.az xəbər verir ki, Ermənistan Təhlükəsizlik Şurasının yaydığı məlumata görə, görüşdə Ermənistan və Avropa İttifaqı arasında ikitərəfli gündəmlə bağlı məsələlər müzakirə edilib və münasibətlərin daha da inkişaf etdirilməsi məsələlərinə toxunulub.
Görüşdə Qriqoryan və Qrono həmçinin Ermənistan və Azərbaycan arasında qurulan sülh prosesini və bu sahədəki son inkişafları müzakirə ediblər. Bu kontekstdə Qriqoryan regional əlaqə və infrastrukturun inkişafı sahələrində həyata keçirilən proqramları, eləcə də Ermənistan Respublikasının sülhün institusionallaşdırılması səylərini təqdim edib.
