"Liverpul"un baş məşqçisi Arne Slot Lutşarel Gertreyd transferinin baş tutmamasına münasibət bildirib.
Sportal.az xəbər verir ki, daha əvvəl "mersisaydlılar"ın hazırda "Sanderlend"də çıxış edən, "Leyptsiq"ə məxsus müdafiəçinin icarəyə götürülməsini müzakirə etdiyi deyilirdi.
"Düşünürəm ki, artıq demişdim, biz heyəti gücləndirməyə çalışırdıq. Bu da yəqin ki, yeni oyunçular transfer etmək istədiyimi göstərir və bunu təkcə mən istəmirdim. Amma hər zaman düzgün oyunçu və onun əlçatan olması vacibdir. Biz qısa və uzunmüddətli perspektivdə klub üçün nəyin daha yaxşı olduğunu daim müzakirə edirik. Məsələn, Jeremi Jaqe qışda əlçatan deyildi, amma yayda mümkün oldu. Biz onu transfer etdik, çünki gələcək üçün həqiqətən yaxşı futbolçu olduğunu düşünürük.
Mən komandadan çox razıyam. Amma hamıya bəllidir ki, bizdə üç uzunmüddətli itki var. Buna görə də qış transfer pəncərəsində heyəti gücləndirməyə çalışdıq. Lutşarel Gertreyda gəldikdə isə, sonda o, əlçatan olmadı. Amma açıq şəkildə deyə bilərəm ki, biz güclənməyə cəhd etdik. Çox mümkündür ki, bu klubda oynamaq üçün kifayət qədər yaxşı olmayan futbolçuları transfer etməyək".– deyə Slot bildirib.
saytlarin hazirlanmasi
