BAKI, 7 fevral. TELEQRAF
Ukraynanın Əbu-Dabidə keçirilən danışıqlardan sonra Donbasdan çəkilməklə bağlı mövqeyi dəyişməz olaraq qalır.
Teleqraf xəbər verir ki, bunu Ukrayna Prezidenti Volodimir Zelenski jurnalistlərə açıqlamasında bildirib.
Onun sözlərinə görə, Rusiya Ukraynanın Donbasdan çıxmasını tələb edir, lakin Kiyev bu tələbi qəbul etmir. Ukrayna tərəfi öz mövqeyində qalmaq niyyətindədir.
Prezident əlavə edib ki, ABŞ tərəfi kompromis kimi gördüyü variantları təklif edir və bu məsələnin tərəflər arasında müzakirə edildiyi sənədləşdirilib.
