ain.az bildirir, Qol.az saytına əsaslanaraq.
“Barselona”da gözlənilməz gedişat
“Barselona”nın baş məşqçisi Hans-Diter Flik mövsümün sonunda klubdan ayrıla bilər.
QOL.az xəbər verir ki, bu barədə “Marca” nəşri məlumat yayıb.
Mənbənin bildirdiyinə görə, qərar martın 15-də keçiriləcək “Barselona” prezidentliyinə seçkilərinin nəticəsindən asılı olacaq. Almaniyalı mütəxəssis özünü hazırkı prezident Joan Laportanın komandasının bir hissəsi hesab edir və yalnız onun yenidən seçiləcəyi halda yeni müqavilə imzalamağa hazırdır. İyulun 1-dək müqavilənin uzadılması ilə bağlı heç bir addım atılmayacaq.
Qeyd olunur ki, prezidentliyə namizədlərdən biri Viktor Font seçkidə qalib gələcəyi təqdirdə Fliki komandada saxlamaq istədiyini bildirib.
Flik 2024-cü ilin mayından “Barselona”ya rəhbərlik edir. Onun rəhbərliyi altında komanda ilk mövsümdə İspaniya çempionatını, kubokunu və Superkubokunu qazanıb.
Ən son xəbərləri və yenilikləri almaq üçün ain.az saytını izləyin.
