Türk qəhvəsi içərkən yanında su verilməsi qədim bir ənənədir. Lakin sağlamlıq və qoxu hissi baxımından qəhvənin yanına qoyulan kiçik bir əlavə, içdiyiniz qəhvənin həm dadını, həm də bədəninizə təsirini tamamilə dəyişdirə bilər.
Milli.Az xəbər verir ki, qəhvə tərkibindəki kofein səbəbindən bədəndə qan şəkərinin qəfil yüksəlməsinə və sonra sürətlə düşməsinə səbəb ola bilər. Qəhvənin yanında təbii quru meyvələr (xurma, quru ərik) və ya tərkibində yüksək kakao olan qara şokolad qəbul etmək daha məsləhətlidir.
Bu üsul kofeinin yaratdığı ani enerji dalğalanmasının qarşısını alır, qəhvənin acımtıl dadı ilə quru meyvənin təbii şirinliyi bir-birini tamamlayaraq aromanı daha dərindən hiss etməyə kömək edir.
Qəhvədən əvvəl su içmək ağızdakı dadları təmizləyərək qəhvənin dadını almağa hazırlayır. Lakin qəhvədən dərhal sonra su içmək qəhvənin ağızda buraxdığı xoş aromanı yuyub aparır. Mütəxəssislər qəhvənin dadının damaqda bir müddət qalmasını, suyun isə 10-15 dəqiqə sonra içilməsini tövsiyə edir.
Bir çox insan qəhvədən sonra mədəni rahatlatmaq üçün qazlı su içir. Lakin onun tərkibindəki qazlar qəhvə ilə birləşdikdə mədənin turşuluğunu artıra bilər. Əgər mədəniz həssasdırsa, qazlı suyu qəhvədən dərhal sonra içmək həzmi asanlaşdırmaq əvəzinə çətinləşdirə bilər.
Qəhvə özü güclü bir antioksidantdır. Onu qara şokolad və ya çiy fındıq/badam ilə birlikdə istehlak etdikdə, bədənə daxil olan antioksidant miqdarı artır, bu da ürək-damar sağlamlığına müsbət təsir göstərir.
Lalə Qüdrətova
Milli.Az
