BAKI, 9 fevral. TELEQRAF
Gürcüstanın sabiq prezidenti Mixeil Saakaşvili növbəti dəfə ABŞ-nin vitse-prezidenti Ceyms Devid Vensin Azərbaycan və Ermənistana gözlənilən səfərinə münasibət bildirib.
Teleqraf xəbər verir ki, bu barədə o, sosial mediada yazıb.
“Vaxtilə Gürcüstana səfər etmək hər bir ABŞ lideri üçün vacib və şərəfli missiya hesab olunurdu. İndi isə hamı kənardan dolanır, sanki cüzamlı bir ölkəymiş kimi”, - Saakaşvili vurğulayıb.
Qeyd edək ki, Ceyms Devid Vens fevralın 9-da İrəvanda, bir gün sonra isə Bakıda səfərdə olacaq. ABŞ-nin vitse-prezidentinin Tbilisiyə səfəri nəzərdə tutulmayıb.
