Vətəninfo.az xəbər verir ki, “Mançester Siti”nin baş məşqçisi Pep Qvardiola Premyer Liqada çempionluq mübarizəsi ilə bağlı açıqlama verib. İspaniyalı mütəxəssis bildirib ki, komandasının əsas məqsədi lider “Arsenal”a maksimal təzyiq göstərməkdir.
“Edə biləcəyimiz yeganə şey Arsenalın boynunun arxasında nəfəs almaqdır. Dərhal onların yaxınlığında olmalıyıq. Yatıb-qalmadıqlarına bax, nəsə et və onlara çat”, – deyə Qvardiola vurğulayıb.
Hazırda Premyer Liqanın turnir cədvəlində “Arsenal” 56 xalla (+32 top fərqi) birinci pillədə qərarlaşıb. “Mançester Siti” isə 50 xal (+27) ilə ikinci yerdədir.
Qeyd edək ki, çempionluq uğrunda mübarizə mövsümün həlledici mərhələsinə daxil olub və qarşıdakı turlar liqanın taleyinə birbaşa təsir göstərəcək.
