Vətəninfo.az xəbər verir ki, Gürcüstan Yol Departamentinin məlumatına görə, Yuxarı Lars keçid məntəqəsindən keçərək Gürcüstandan Rusiyaya gedən yol bütün nəqliyyat vasitələri üçün bağlanıb.
Qeyd edək ki, 9 fevral axşamı yol sərnişin nəqliyyat vasitələri üçün açılmışdı, lakin təhlükəsizlik səbəbindən yenidən bağlanıb.
Yol idarəsinin açıqlamasında bildirilir:
“Uçqun təhlükəsi səbəbindən Mtsxeta-Stepantsminda-Lars beynəlxalq avtomobil yolunun Qudauri-Kobi hissəsində bütün nəqliyyat vasitələrinin hərəkəti qadağandır.”
Əlavə olaraq, yol 9 fevral səhərindən etibarən yük maşınları üçün də bağlıdır.
