ain.az, Oxu.az portalına istinadən məlumat verir.
Artıq 60 yaşdan yuxarı Ukrayna vətəndaşları müqavilə əsasında hərbi xidmət keçə biləcəklər. Bu cür xidmətin şərtləri Ukrayna Prezidenti Volodimir Zelenski tərəfindən təsdiqlənib.
Oxu.Az bildirir ki, bu barədə "RBC-Ukrayna" prezidentin 108/2026 nömrəli Fərmanına istinadən xəbər yayıb.
Məlumata əsasən, 60 yaşdan yuxarı şəxslərlə bağlanan müqavilələr bir il müddətinə nəzərdə tutulur. Hərbi vəziyyət dövründə bu müddət daha bir il uzadıla bilər. Məcburi tələblərdən biri namizədin xidmət etməyi planlaşdırdığı hərbi hissənin komandirinin yazılı razılığının olmasıdır. Bundan əlavə, şəxs hərbi-tibbi komissiya tərəfindən xidmətə yararlı hesab edilməlidir.
Qeyd olunur ki, ərizə və komandirin razılığı namizədin yaşayış yeri üzrə Ərazi İşə Qəbul və Sosial Dəstək Mərkəzinə təqdim edilir.
Zabit vəzifəsinə müraciət edən şəxslər üçün bölmə komandirinin razılığı əlavə olaraq Ukrayna Silahlı Qüvvələrinin Baş Qərargahı tərəfindən də təsdiqlənməlidir.
Hərbi vəziyyət ləğv edildiyi və ya aradan qaldırıldığı təqdirdə, bu cür müqavilələr vaxtından əvvəl xitam olunur və hərbi qulluqçular tərxis edilirlər.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
