Gəncədə 20 yaşlı oğlanın xəsarət alması ilə bağlı bəzi detallar məlum olub
Bakıvaxtı.az-ın məlumatına görə, polis əməkdaşları tərəfindən aparılan ilkin araşdırmalar zamanı ruhi-əsəb dispanserində qeydiyyatda olan C. Əliyevin özünə xəsarət yetirdiyi müəyyən edilib.
Faktla bağlı araşdırmalar davam etdirilir.
***
20:07
Gəncə şəhərində 20 yaşlı gəncə qarşı zorakılıq hadisəsi baş verib.
Bakıvaxtı.az-ın məlumatına görə, 2006-cı il təvəllüdlü C. Əliyev kəsici-deşici alətlə aldığı xəsarətlərlə xəstəxanaya yerləşdirilib. Ona dərhal tibbi yardım göstərilib. Həkimlərin bildirdiyinə görə, gəncin vəziyyəti kafidir.
İlkin məlumata əsasən, o əvvəlcə döyülüb, daha sonra isə kəsici-deşici alətlə yaralanıb. Hadisənin hansı şəraitdə baş verdiyi hələlik məlum deyil.
Əraziyə polis əməkdaşları cəlb olunub. Faktla bağlı araşdırma aparılır./Unikal
