BAKI, 12 fevral. TELEQRAF
Beynəlxalq Olimpiya Komitəsi (BOK) Ukrayna skeletonçusu Vladislav Geraskeviçi 2026-cı il Qış Olimpiya Oyunlarından diskvalifikasiya edib.
Teleqraf xəbər verir ki, buna səbəb idmançının Olimpiya Xartiyasına zidd olan dəbilqədən istifadə etməsi olub.
“BOK ilə Geraskeviç arasında çoxsaylı yazışmalara və şəxsi görüşlərə, o cümlədən bu gün səhər qurum prezidenti Kirsti Koventri ilə keçirilən son görüşə baxmayaraq, o, heç bir kompromis variantını qəbul etməyib” – deyə, bəyanatda qeyd olunub.
