Dünya siyasətində söz sahibi olan liderlərin yalnız qərarları deyil, şəxsi üslubları da diqqət mərkəzindədir. Onların geyim tərzi, bədən dili və diplomatik davranışları qədər qol saatları da maraq doğurur.
“Unikal” dünya liderlərinin qol saatlarının brendini və qiymətini araşdırıb.
1. Co Bayden – Keçmiş ABŞ Prezidenti
Baydenin ən çox diqqət çəkən saatı “Rolex Day-Date” modelidir. Ağ qızıl və platin variantları ilə təqdim olunan bu model klassik prezident üslubunun müasir interpretasiyası kimi dəyərləndirilir. Qiyməti 40 min dollardan yuxarıdır.
2. Emmanuel Makron – Fransa Prezidenti
Makron daha zərif və prestijli seçimə üstünlük verir. Onun taxdığı “Rolex Cellini” modeli fransız zərifliyini əks etdirir və təxminən 15–25 min dollar aralığındadır.
3. Rişi Sunak – Böyük Britaniyanın keçmiş Baş naziri
Sunak daha müasir dizaynlı modellərə yönəlir. Onun əsas seçimi “Omega Aqua Terra” seriyasıdır. Bu saatlar 5–7 min dollar civarındadır. O, zaman-zaman daha əlçatan qiymətli “Swatch” modelləri ilə də görüntülənib.
4. Castin Trüdo – Kanadanın keçmiş Baş naziri
Trüdo minimal dizaynlı “IWC Pilot’s Watch” istifadə edir. Sadə görünüşünə baxmayaraq, model kifayət qədər prestijlidir və qiyməti 4–6 min dollar arasındadır.
5. Olaf Şolts – Almaniyanın keçmiş kansleri
Şolts təvazökar zövqü ilə seçilir. O, əsasən “Junghans Max Bill” kimi sadə alman dizaynlı saatlara üstünlük verir. Bu modelin qiyməti 600 –1 000 dollar aralığındadır və liderlər arasında ən təvazökar seçimlərdən sayılır.
6. Corcia Meloni – İtaliya Baş naziri
Meloni zərif, lakin güclü imicinə uyğun olaraq “Cartier Ballon Bleu” modelini taxır. Lüks, amma abartısız dizayna malik bu saat 5–8 min dollar civarındadır.
7. Pedro Sançes – İspaniya Baş naziri
Sançes daha idman üslubuna uyğun “TAG Heuer Carrera” modellərinə üstünlük verir. Bu saatlar 3–6 min dollar aralığındadır.
8. Şinzo Abe – Yaponiyanın sabiq Baş naziri
Abe “Seiko” brendinin xüsusi istehsal modellərini taxırdı. Yapon istehsalı olan bu saatlar 2–4 min dollar qiymət aralığında idi. Ümumilikdə Yapon liderləri tez-tez yerli istehsala üstünlük verirlər.
9. Rəcəb Tayyib Ərdoğan – Türkiyə Prezidenti
Ərdoğanın qolunda xüsusi istehsal saat olduğu məlumdur. Saatın siferblatında 15 İyul loqosu, arxa qapağında isə adının yazıldığı bildirilir. Lakin model və marka ilə bağlı rəsmi məlumat açıqlanmayıb.
10. Vladimir Putin – Rusiya Prezidenti
Putinin saat kolleksiyası illərdir müzakirə mövzusudur. Onun ən diqqətçəkən modellərindən biri “Patek Philippe Perpetual Calendar” hesab olunur. Bu saatın qiyməti 80 min dollardan xeyli yüksəkdir.
Beləliklə, dünya liderlərinin saat seçimləri lüks və prestijdən tutmuş sadə və funksional modellərə qədər geniş spektri əhatə edir. Bu seçimlər təkcə zaman ölçmək üçün deyil, həm də imic və mesaj vasitəsi kimi dəyərləndirilir.
Hazırladı: Ayxanım Məlikova
