Modern.az portalından əldə olunan məlumata əsasən, ain.az xəbər verir.
Bakı ətrafında yerləşən yaşayış massivlərində, xüsusilə Xırdalan şəhəri və Masazır qəsəbəsində tikilən çoxsaylı apartman tipli binalarda sənədləşmə problemi yaşanır. Minlərlə vətəndaşın aldığı mənzillərə çıxarış (kupça) verilmir.
Modern.az-ın məlumatına görə, əmlak eksperti Elnur Fərzəliyev məsələnin kökündə sahibkarların yol verdiyi ciddi qanun pozuntularının dayandığını bildirib. Ekspertin sözlərinə görə, problemlərin əsas səbəbi tikinti zamanı sənədlərin saxtalaşdırılmasıdır:
"Bu binaların əksəriyyəti sənəd üzərində "çoxmənzilli bina" kimi deyil, "fərdi yaşayış evi" kimi qeydiyyatdan keçirilir. Qanunvericiliklə fərdi yaşayış evinin maksimum hündürlüyü 12 metr müəyyən edilsə də, sahibkarlar tikinti zamanı həm bu normanı, həm də digər texniki standartları pozurlar."
E.Fərzəliyev vurğulayıb ki, bu yolla həm dövlət orqanları, həm də ucuz mənzil almaq istəyən vətəndaşlar aldadılır. Sənədlər real tikinti ilə üst-üstə düşmədiyi üçün müvafiq qurumlar çıxarış verməkdən imtina edir. Nəticədə vətəndaşlar nə mülkiyyət hüququ qazana, nə də mənzilə qeydiyyata düşə bilirlər.
Məlumata görə, bazardakı apartmanların yalnız 15%-i qanuni sənədlərə malikdir. Bu binalarda mənzillərin ucuz olmasının səbəbi isə keyfiyyət deyil, sahələrin həddindən artıq kiçik olmasıdır.
Hadisənin gedişatını izləmək üçün ain.az saytında ən son yeniliklərə baxın.
