ain.az, Qol.az portalından verilən məlumatlara əsaslanaraq xəbər verir.
UEFA Millətlər Liqasının püşkatması həyata keçirildi
Bu gün UEFA Millətlər Liqasının püşkatması həyata keçirilib.
QOL.az xəbər verir ki, tədbir Belçikanın paytaxtı Brüsseldə keçirilib və Bakı vaxtı ilə saat 21:00-da start götürüb.
Tədbirdə AFFA-nın baş katibi Cahangir Fərəcullayev, icraçı vitse-prezidentin müşaviri Orxan Əhmədov, Azərbaycan milli komandasının baş məşqçisi Ayxan Abbasov və A millinin direktoru İlqar Qurbanov iştirak ediblər.
Mərasimdə Azərbaycan yığmasının rəqibləri də müəyyənləşib. Ayxan Abbasovun baş məşqçilik etdiyi millimiz D Liqasının 1-ci səbətində yer alıb. Yığmamız D Liqasının 2-ci qrupunda yer alıb. Komandamız bu mərhələdə Litva və Lixtenşteyn seçmələri ilə mübarizə aparacaq. Qaydalara əsasən, D liqasında hər birində 3 komanda olmaqla, 2 qrup formalaşdırılacaq. Hər kollektiv isə öz qrupunda 4 oyun keçirəcək.
Qeyd edək ki, UEFA Millətlər Liqasında yeni mövsümə sentyabrın 24-də start veriləcək.
UEFA Millətlər Liqasının 2026/2027 mövsümü
A liqası
1-ci qrup: Fransa, İtaliya, Belçika, Türkiyə
2-ci qrup: Almaniya, Niderland, Serbiya, Yunanıstan
3-cü qrup: İspaniya, Xorvatiya, İngiltərə, Çexiya
4-cü qrup: Portuqaliya, Danimarka, Norveç, Uels
B liqası
1-ci qrup: Şotlandiya, İsveçrə, Sloveniya, Şimali Makedoniya
2-ci qrup: Macarıstan, Ukrayna, Gürcüstan, Şimali İrlandiya
3-cü qrup: İsrail, Avstriya, İrlandiya, Kosovo
4-cü qrup: Polşa, Bosniya və Herseqovina, Ruminiya, İsveç
C Liqası
1-ci qrup: Albaniya, Finlandiya, Belarus, San-Marino
2-ci qrup: Monteneqro, Ermənistan, Kipr, Latviya/ Cəbəllütariq cütünün qalibi
3-cü qrup: Qazaxıstan, Slovakiya, Farer adaları, Moldova
4-cü qrup: İslandiya, Bolqarıstan, Estoniya, Lüksemburq/Malta cütünün qalibi
D Liqası
1-ci qrup: Latviya/Cəbəllütariq cütünün məğlubu, Lüksemburq/Malta cütünün məğlubu, Andorra
2-ci qrup: Litva, Azərbaycan, Lixtenşteyn
Daha ətraflı məlumat və yeniliklər üçün ain.az saytını izləyin.
