İtaliyanın Leççe əyalətində yerləşən Torre Lapillo şəhərində qeyri-adi bir hadisə baş verib: 57 yaşlı yerli sakin təxminən 120.000 avro dəyərində 20 qızıl külçə olan qutunu bilmədən zibilliyə atıb.
Hüquq-mühafizə orqanları Apuliya bölgəsindən olan kişinin qiymətli metalı dəmir qutuda saxladığını və səhvən onu məişət tullantıları ilə birlikdə atdığını müəyyən edib. O, itkini yalnız ertəsi gün aşkar edib və bundan sonra kömək üçün polisə müraciət edib. Polis CCTV görüntülərini araşdırıb və qutunun həqiqətən də zibil qutusuna düşdüyünü təsdiqləyib. Həmin vaxta qədər tullantılar artıq qonşu Ugento şəhərindəki poliqona göndərilmişdi.
Orada axtarış əməliyyatı başlayıb və nəticədə qızıl külçələri olan qutu tapılıb və sahibinə qaytarılıb.
//Samir Qurbanov, Editor.az
