ain.az bildirir, Axsham.az saytına əsaslanaraq.
Həyat boyu davamlı intellektual fəaliyyət alzheimer xəstəliyinin inkişafını 5 ildən, yüngül koqnitiv pozuntuları isə 7 ildən çox gecikdirə bilər.
Axşam.az xəbər verir ki, bu barədə "The Guardian" nəşri Çikaqodakı Raş Universiteti Tibb Mərkəzinin alimlərinin araşdırmasına istinadən məlumat yayıb.
Tədqiqat müəlliflərinin bildirdiyinə görə, müntəzəm mütaliə, yazı yazmaq və xarici dilləri öyrənmək demensiya riskini təxminən 40% azaldır. Alimlər orta yaşı 80 olan 1939 yaşlı insanı səkkiz il ərzində müşahidə ediblər.
İştirakçılar uşaqlıq, orta yaş dövrü və 80 yaşdan sonrakı illərdə intellektual məşğuliyyətləri barədə ətraflı məlumat veriblər. Qiymətləndirməyə evdə kitab, qəzet və atlasların olması, muzeylərə getmək, kitabxana kartına sahib olmaq və xarici dilləri öyrənmək kimi amillər daxil edilib.
Ən yüksək koqnitiv fəallıq səviyyəsinə malik qrupda alzheimer xəstəliyi iştirakçıların yalnız 21%-ində inkişaf edib. Daha az intellektual fəaliyyət göstərənlər arasında isə bu göstərici 34% olub. Yaş, cins və təhsil səviyyəsinə düzəliş edildikdən sonra belə, intellektual cəhətdən aktiv şəxslərdə xəstəlik riski 38% daha aşağı olub.
Bundan əlavə, xəstəliyin başlama yaşı da fərqlənib. Yüksək intellektual zənginliyə malik şəxslərdə demensiya orta hesabla 94 yaşda, digərlərində isə 88 yaşda müşahidə olunub. Yüngül koqnitiv pozuntuların inkişafı isə 78 yaşdan 85 yaşa qədər gecikib.
Hadisənin gedişatını izləmək üçün ain.az saytında ən son yeniliklərə baxın.
