ABŞ prezidenti Donald Tramp İsrail prezidenti İsaak Herzoqu Baş nazir Binyamin Netanyahuya əfv etmədiyinə görə sərt tənqid edib.
Turkustan.az xəbər verir ki, Tramp Herzoqu açıq şəkildə tənqid edib və praktik olaraq danlayıb: "Bizim onu əfv etməkdən imtina edən bir prezidentimiz var. Düşünürəm ki, bu adam davam edən bu işdə əfv etmədiyinə görə özündən utanmalıdır. Onun əfv etməməsi ayıbdır. Onu əfv etməlidir."
İsrail prezidenti İsaak Herzoq, Baş nazir Benyamin Netanyahuya əfv vermədiyinə görə "özündən utanmalı olduğunu" söyləyərək onu şəxsən hədəf alan ABŞ prezidenti Donald Trampa "İsrail qanunun aliliyi ilə idarə olunan suveren bir dövlətdir" deyə cavab verdi.
İsrail dövlət televiziyası KAN, Herzoqun ofisindən Trampın Netanyahunu əfv etməsi ilə bağlı açıqlamalarına cavab paylaşdı. Herzoq, Netanyahunun xahişinin Ədliyyə Nazirliyinin müəyyən etdiyi prosedura uyğun olaraq baxıldığını və yalnız tövsiyələri aldıqdan sonra qərar verə biləcəyini vurğulayaraq, "bunu dəfələrlə izah etdiyini" bildirdi.
Bu proses başa çatdıqdan sonra Herzoq heç bir xarici və ya daxili təzyiqin təsiri altına düşmədən sorğunu araşdıracağını bildirib və ABŞ prezidenti Trampın "Əfv etmədiyinə görə özündən utanmalıdır" ifadəsinə "İsrail qanunun aliliyi ilə idarə olunan suveren bir dövlətdir" deyə cavab verib.
Aytən Yaşar/ Turkustan.az
