Türkiyədə əxlaqsız məzmunlu yazılar və görüntülər dərc edən "OnlyFans" veb saytları polisin hədəfinə çevrilib.
7News.Az Türkiyə mətbuatına istinadən xəbər verir ki, mərkəzi İstanbul olan 8 vilayəti əhatə edən əməliyyatda 17 nəfər saxlanılıb.
Həmçinin 300 milyon türk lirəsi dəyərində aktivlərin müsadirə edildiyi açıqlanıb.
İstintaq çərçivəsində haqlarında həbs qərarı verilən fenomenlər Merve Taşkın, Gizem Bağdaçiçek, Burçin Erol və Serpil Cansızın hazırda xaricdə olduğu məlum olub.
Komandalar tərəfindən aparılan rəqəmsal təhlillər göstərir ki, istifadəçilər qarşılıqlı əlaqəni artırmaq üçün paylaşılan şəkillər və videolar vasitəsilə pullu şəxsi məzmuna yönləndirilir və bu məzmuna giriş şəxsi platformalar və ani mesajlaşma tətbiqləri vasitəsilə həyata keçirilir.
Digər tərəfdən, Merve Taşkının Kasım Garipoğlunun dəbdəbəli villasında narkotik məclislərində iştirak etdiyi müəyyən edilib və onun haqqında həbs qərarı verilib.
