Bakı, 13 fevral, AZƏRTAC
Müdafiə nazirinin 2026-cı il üçün təsdiq etdiyi fəaliyyət planına uyğun olaraq, xarici ölkələrin Azərbaycanda akkreditə olunmuş hərbi attaşeləri üçün Hərbi Hava Qüvvələrinin (HHQ) N hərbi hissəsinə tanışlıq səfəri təşkil edilib.
Müdafiə Nazirliyindən AZƏRTAC-a verilən məlumata görə, hərbi attaşelik aparatının nümayəndələrinə hərbi hissənin əsas fəaliyyət istiqamətləri barədə məlumat verilib və brifinq təqdim olunub.
Qeyd edək ki, tədbirdə 18 ölkəni təmsil edən 22 nümayəndə iştirak edib.
