Ata Abdullayev məhkəmənin qərarı ilə şərti azadlığa buraxılıb.
Far.Az Oxu.Az-a istinadən xəbər verir ki, Xəzər Rayon Məhkəməsinin qərarı ilə Penitensiar Xidmətin Binə qəsəbəsində yerləşən 17 saylı cəzaçəkmə müəssisəsindən, cəzasının çəkilməmiş hissəsindən azad edilərək şərti azadlığa buraxılıb.
***
Həbsdə olan bloger Ata Abdullayev azadlığa buraxılıb.
Far.Az xəbər verir ki, bununla bağlı qərarı Xəzər Rayon Məhkəməsi qəbul edib.
Xatırladaq ki, bloger 2021-ci ilin mart ayında həbs olunmuşdu. O, Cinayət Məcəlləsinin 182.2.2-ci (hədə-qorxu ilə tələb etmə) maddəsi ilə təqsirli bilinərək Bakı Ağır Cinayətlər Məhkəməsinin hökmü ilə 7 il müddətinə azadlıqdan məhrum edilmişdi.
Qeyd edək ki, Ata Abdullayevin azadlığa buraxılması ilə bağlı ilkin məlumatı "bakues.az" saytı yayıb.
