Bizimyol saytından verilən məlumata görə, ain.az xəbər verir.
Rusiya müxalifət siyasətçisi Aleksey Navallnının bioloji materiallarında epibatidin adlı çox zəhərli maddə tapılıb.
Bizimyol.info xəbər verir ki, "The Insider" jurnalının yazdığına görə, bu məlumatı beş Avropa ölkəsinin laboratoriyaları – Böyük Britaniya, İsveç, Fransa, Almaniya və Niderland təsdiqləyib.
Bir neçə müstəqil laboratoriya nümunələri təhlil edərək, epibatidinin olduğunu müəyyən ediblər – bu, Amerika qurdlu qurbağasının dərisində olan və son dərəcə təhlükəli sayılan toksindir.
Beş ölkənin nümayəndələri Münxen Təhlükəsizlik Konfransında birgə bəyanat verməyi planlaşdırırlar.
Daha əvvəl Navallnını "Novıçok" zəhəri ilə zəhərləndikdən sonra müalicə edən reanimatoloq həkim Aleksandr Polupan verdiyi açıqlamada bildirib ki, siyasətçinin yayılmış simptomları epibatidinin təsiri ilə əlaqəli məlum məlumatlarla üst-üstə düşür.
Epibatidin – bu, cənubi Amerikanın bəzi qurbağalarının dərisində təbii şəkildə mövcud olan çox zəhərli bir alkaloiddir. Bu maddə sinir sisteminə təsir edir, nikotinin asetilkolin reseptorlarına təsir göstərir. Çox kiçik dozada güclü ağrıkəsici kimi də təsir göstərə bilər, lakin dozanın azca aşılması, qıcolmalar, tənəffüs iflası və ölümə səbəb ola bilər.
Mətbuatın verdiyi məlumata görə, Rusiya hakimiyyəti, Aleksey Navallnının ölümündən əvvəl qarın ağrıları, qusma və qıcolmalar yaşadığını gizlətməyə çalışıb. Rəsmi sənədlər redaktə edilib, xüsusilə "hakimiyyət, rəsmi versiyaya uymayan simptomların xatırlanmasını məqsədli şəkildə siliblər".
Müxalifətçi siyasətçinin "New Yorker" jurnalında yayımlanan xatirələrindən bəzi fraqmentlər, onun həbsxanada ölümünü əvvəlcədən hiss etdiyini göstərir. Bu fraqmentlər "Patriot" kitabının nəşrindən əvvəl dərc olunub.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
