Misli premyer-liqasının 20-ci turunda “Karvan-Yevlax” “Zirə”yə də
uduzdu - 1:0.
“
Football-plus.az” xəbər verir ki, oyunsonrası mətbuat konftansında qonaqların baş məşqçisi Fizuli Məmmədov media önünə çıxıb.
- Maraqlı oyun oldu. İki komanda da yaxşı oyun sərgilədi. Bu gün bizim komanda da yaxşı oynadı. Standart vəziyyətdən qol buraxdıq. Sistemdə dəyişiklik etsək də, qol vura bilmədik. Rəqibi təbrik edirəm.
- Qol vura bilməmək ustalıq səviyyəsidi?
- Qoldan sonra əvəzetmə etdik. Kinqs sürət artırdı. Qol epizodunda bacarıq çatmadı. Uşaqlar bu gün əzmkarlıq göstərdi. Təşəkkür edirəm. Futbolçuları motivasiya etmək çətin olur. Rəhbərlik də yanımızdadı. Qol vurmalıyıq.
- Qavi əvəzlənəndə narazılıq bildirdi. Könlünü aldız?
- Hər futbolçu oyunu alınmayanda stress yaşayır. Amma özü sakitləşdi. Hücumda kəsərli olmaq istəyirdik.
- Əvəzetmələr adətən ilk hissədə də olur. Niyə?
- “Sumqayıt”la oyunda Rauf pis oynamırdı. Amma 5 müdafiəçi ilə oynamaq istədik. Dəyişikliklər taktiki gedişlərdi. Məqsəd hücumda kəsərli olmaqdı.
- İkinci hissədə penalti epizodu oldu. O haqda fikirləriniz?
- Məncə, dirsək var idi. Necə dəyərləndirirlər, bilmirəm. Hakimlər bizdən daha biliklidilər. Orda xırda məqamlar var. VAR-da oturanlar dəyərləndirir. Məncə, qayda pozuntusu idi.
- Hakimlər də sanki sizə qeyri-ciddi yanaşırlar. Ötən oyun da qırmızı vərəqə verilməmişdi.
- Çox təsir edir. Futbolçular da əziyyət çəkir. Bizi əzir, sındırır. Hansısa səhv bizi çempionatdan uzaq saxlaya bilər.
MÜZƏFFƏR QULUZADƏ
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
