“Liverpul”un müdafiəçisi Vircil van Deyk hücumçu Məhəmməd Salahın oyununa münasibət bildirib.
Publika.az xəbər verir ki, BBC van Deykin sözlərini sitat gətirib: “Salah hələ də liderdir. Kapitan kimi mənim üçün onun meydanda olması vacibdir. Onun iştirakı komandaya fayda verir.
Salah komandaya yalnız qollardan daha çox şey qazandırır. Əlbəttə ki, indi bir çox insan onun qollarına baxır, çünki o, inanılmaz dərəcədə yüksək bir standart müəyyən edib.
Qol vuranda daha az tənqid alır. Amma bizim üçün heç nə dəyişmir. İnsanların görmədiyi bir çox şey var”.
