İsveçin “Saab” şirkəti ilə Ukraynanın “Ukrainian Defense Industry” (UDI) dövlət şirkəti aviasiya və hava nəzarəti sahələrində əməkdaşlığa dair Anlayış Memorandumu imzalayıb.
“Poliqon” “Saab”a istinadən xəbər verir ki, bu əməkdaşlığın əsas məqsədi Ukraynanın müdafiə qabiliyyətini gücləndirməkdir.
UDI silah və hərbi texnika istehsalında strateji bir şirkət kimi güclü təcrübəyə malikdir. Dövlət müəssisələri və şirkətləri birləşdirərək Ukraynanın təhlükəsizlik və müdafiə sektorunun ayrılmaz bir hissəsinə çevrilib.
“Saab” özünün böyük müdafiə sənayesi təcrübəsi, eləcə də aviasiya və hava nəzarət texnologiyasında qabaqcıl ixtisası ilə bu əməkdaşlığa töhfə verəcək.
