Azpolitika.az saytından alınan məlumata görə, ain.az bildirir.
Dünyanın ən bahalı döyüş təyyarələri sırasında yer alan F-35 Lightning II bu dəfə yüksək qiyməti ilə deyil, proqram təminatından asılılığı ilə gündəmə gəlib.
Belə ki, Hollandiyanın müdafiə nazir Qics Tuinman "BNR Nieuwsradio"-nun podkastında çıxışı zamanı ABŞ-nin F-35-ləri üçün proqram yeniləmələrini dayandırması ehtimalına diqqət çəkib. Nazir bildirib ki, təyyarənin proqram sistemi “iPhone kimi kilidi açılaraq dəyişdirilə bilər”.
Onun sözlərinə görə, istənildiyi təqdirdə F-35-in proqram təminatına müdaxilə etmək mümkündür: “Əslində deməməli olduğum bir şeyi deyirəm, amma yenə də deyəcəyəm. Əgər yeniləmə etmək istəsəniz, F-35-ə iPhone kimi müdaxilə etmək olar”.
Qeyd olunur ki, F-35 təyyarələri proqram yeniləmələrini və missiya planlaşdırma məlumat paketlərini ALIS və ODIN adlı bulud əsaslı şəbəkələr vasitəsilə alır. Bu sistemlər düşmənin hava hücumundan müdafiə vasitələrindən yayınmaq üçün kritik əməliyyat məlumatlarını – uçuş marşrutlarını, təhdid analizlərini və missiya parametrlərini – özündə birləşdirir.
Təyyarələrin “kompüter beyni” hesab olunan bu infrastruktur ABŞ mərkəzli sistemə bağlıdır. Xarici istifadəçilərin isə proqram təminatı üzərində birbaşa dəyişiklik etmək səlahiyyəti yoxdur.
"AzPolitika.info"
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
