Bakı, 16 fevral, AZƏRTAC
Bəzən tələbələr “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı”na müraciət edərkən seçim qaydalarına nəzər yetirmirlər.
Bunu AZƏRTAC-a müsahibəsində Dövlət Proqramı İdarəetmə Qrupunun rəhbəri Turan Topalova deyib. O bildirib ki, müraciət edən şəxslərə xarici ali təhsil müəssisəsinə qəbul sənədi ilə yanaşı, seçim qaydalarında hər təhsil səviyyəsi üzrə tələb olunan sənədləri də ardıcıllıqla təqdim etmələri tövsiyə olunur: “Tələb olunan sənədlər təqdim edilmədikdə namizədlərə yalnız bir dəfə əlavə şans verilir. Lakin sənədləri yenidən düzgün şəkildə təqdim etmədikləri təqdirdə həmin şəxslər müsahibə mərhələsinə dəvət olunmurlar.
