Oxu.az portalından əldə olunan məlumata əsasən, ain.az xəbər verir.
"Zirə"nin Mətbuat Xidməti futbolçu Eren Aydının müqaviləsini birtərəfli qaydada ləğv etdiyini açıqlamışdı. Lakin Ukrayna klubu bu qərarın hüquqi baxımdan asan olmadığını və müqaviləyə rəsmi xitam verilmədiyini bildirib.
Oxu.Az Tsport.az-a istinadən xəbər verir ki, futbolçu müqaviləsini pozmaq üçün əvvəlki dövrdə xarici oyunçulara müharibə şəraiti ilə əlaqədar verilmiş "müharibə əlavəsi"nə istinad edib. Sözügedən əlavə Ukrayna klublarında çıxış edən legionerlərə fors-major hallarla bağlı müqaviləni dayandırmaq imkanı verirdi.
Lakin həmin əlavənin FIFA tərəfindən 2025-ci ildə rəsmi şəkildə ləğv edildiyi və artıq hüquqi qüvvəyə malik olmadığı bildirilib. Bu səbəbdən sənəd hazırda müqavilənin birtərəfli qaydada pozulması üçün əsas hesab edilmir.
Qeyd olunur ki, Eren Aydın hazırkı müqaviləsini müharibə şəraitinin davam etdiyi dövrdə "Veres Rivne" klubu ilə imzalayıb. Bu isə futbolçunun mövcud vəziyyəti anlayaraq könüllü şəkildə hüquqi qüvvəyə malik razılaşmaya imza atdığını göstərir.
Bundan başqa, klubun yerləşdiyi Rivne şəhərinin aktiv döyüş zonasından təxminən 1000 kilometr uzaqda olduğu vurğulanır. Regionun nisbətən təhlükəsiz ərazi hesab edilməsi klubun fəaliyyətini normal rejimdə davam etdirməsinə imkan yaradır.
Mütəxəssislərin fikrincə, qeyd olunan amillər futbolçunun müqaviləni birtərəfli qaydada ləğv etməsinin hüquqi əsaslarının zəif olduğunu göstərir.
Daha ətraflı məlumat və yeniliklər üçün ain.az saytını izləyin.
