Reyting.az saytından alınan məlumatlara görə, ain.az xəbər verir.
Putin hakimiyyətinin ən ciddi siyasi rəqibi sayılan və Rusiya müxalifətinin lideri kimi tanınmış Aleksey Navalnının ölkəsində həbsxanada ölümünün ikinci ildönümü ilə bağlı 15 ölkə birgə bəyanat yayıb.
Reyting.az-ın məlumatına görə, Navalnının ölümünün ildönümü münasibəti ilə paylaşılan bəyanat Almaniyanın Xarici İşlər Nazirliyinin saytında dərc olunub.
Bəyanatda Navalnının müəmmalı ölümünə görə bütün məsuliyyətin "Rusiya hakimiyyətinin üzərində olduğu" xüsusi vurğulanır və baş verən hadisənin şəffaf, hərtərəfli araşdırılması tələb edilir.
Sənəddə müxalifətçinin həbsxanada epibatidin adlı, yəni ağac qurbağası zəhəri əsasında hazırlanmış xüsusi maddə ilə zəhərlənməsi haqqında son məlumatlara diqqət çəkilir.
Eyni zamanda, bu ölkələr Rusiyada cəza çəkən bütün siyasi məhbusların azadlığı ilə bağlı çağırışlar ediblər.
"OVD-Info" nəşrinin yaydığı məlumata görə, Rusiyada hazırda siyasi motivlərlə həbsdə olanların sayı 1700 nəfərdən çoxdur.
Bəyanatda eyni zamanda Kremlın repressiv üsullarını genişləndirdiyi, dövlət təhlükəsizliyi ilə bağlı yerli qanunvericiliyin sui-istifadəsinin hüquq müdafiəçilərinə və jurnalistlərə, vəkillərə, həkimlərə qarşı sərt hökmlərlə nəticələndiyi qeyd olunur. Daha sonra bəyanatda "Aleksey Navalnının irsi yaşayır",- deyilir.
Qeyd edək ki, Kreml Navalnının zəhərlənməsi ilə bağlı bütün ittihamları rədd edib. Rusiya prezidentinin mətbuat katibi Dmitri Peskov hətta bununla bağlı iddiaları "qərəzli, əsassız" adlandırmışdı.
Oqtay QORÇU
Sonrakı hadisələr barədə daha çox məlumat almaq üçün ain.az saytını izləyin.
