GlobalInfo saytından verilən məlumata görə, ain.az xəbər verir.
Ukrayna Silahlı Qüvvələrinin 429-cu ayrı pilotsuz sistemlər briqadasının komandiri Yuri Fedorenko Ukraynadakı münaqişənin mümkün bitmə vaxtı ilə bağlı proqnoz səsləndirib.
Globalinfo.az xəbər verir ki, o, bu barədə “Hromadske Radio”ya müsahibəsində danışıb. Fedorenko bildirib ki, münaqişənin başa çatması üçün ilkin şərtlər 2027-ci ildən əvvəl formalaşmayacaq.
Fedorenkonun sözlərinə görə, əsas və ən ağır döyüşlər 2026-cı ildə baş verəcək. Xüsusilə Xarkov vilayəti ilə DXR arasındakı sərhəd xətti, eləcə də Zaporojye istiqaməti ən gərgin sektorlar olaraq qalacaq.
Zabit hesab edir ki, 2026-cı il müharibənin taleyini müəyyən edən ən çətin və həlledici mərhələ olacaq.
“2027-ci ilin birinci yarısı, çox güman ki, sülh müqaviləsinin imzalanması üçün ən əlverişli şərait yaradacaq. Amma ondan əvvəl yox”, – deyə briqada komandiri vurğulayıb.
Tahir Turan
Globalinfo.az
Hadisənin gedişatını izləmək üçün ain.az saytında ən son yeniliklərə baxın.
