Məşhurlara yönəlmiş narkotik əməliyyatı çərçivəsində aralarında Murat Dalkılıç və Kaan Tangözenin də olduğu 25 nəfər barəsində saxlanılma qərarı verilib. Şübhəlilərdən 17-si artıq saxlanılıb.
İstanbul Respublika Baş Prokurorluğunun Qaçaqmalçılıq, Narkotik və İqtisadi Cinayətlərin İstintaqı Bürosu tərəfindən aparılan narkotik istintaqı davam edir.
İstintaq çərçivəsində 25 şübhəli haqqında "istehlak məqsədilə narkotik və ya stimullaşdırıcı maddə satın almaq, qəbul etmək və ya saxlamaq, yaxud narkotik və ya stimullaşdırıcı maddə istehlak etmək", habelə "narkotik və ya stimullaşdırıcı maddənin istehlakını asanlaşdırmaq" maddələri üzrə saxlanılma qərarı çıxarılıb.
Barələrində saxlanılma qərarı verilən 25 şübhəlidən, aralarında tanınmış simalar Murat Dalkılıç və Kaan Tangözenin də yer aldığı 17 nəfər nəzarətə götürülüb.
