Bakı, 17 fevral, AZƏRTAC
Böyük Britaniyada işsizlik səviyyəsi 2025-ci ilin son üç ayında 5,2%-ə yüksələrək 2015-ci ildən bəri ən yüksək səviyyəyə çatıb (pandemiya istisna olmaqla). Əməkhaqqı artımı daha da yavaşlayıb.
AZƏRTAC “Reuters” agentliyinə istinadla xəbər verir ki, bu barədə Milli Statistika İdarəsinin hesabatında bildirilir. Bu, gələn ay Böyük Britaniyada faiz dərəcəsinin endirilməsi ilə bağlı investorların gözləntilərini artırıb.
Bu məlumatların açıqlanmasından sonra funt sterlinq dollara qarşı yarım sentdən çox ucuzlaşıb.
KPMG UK-nin baş iqtisadçısı Yael Selfinanın sözlərinə görə, bugünkü məlumatlar İngiltərə Bankının mart ayında faiz dərəcələrinin endirməsinin bərpası ehtimalını artırır.
İngiltərə Bankı əməkhaqqının səviyyəsini Böyük Britaniyada hədəfdən yuxarı inflyasiyanın nə qədər davam edəcəyinin göstəricisi kimi izləyir.
