Ukrayna Müdafiə Nazirliyi tərəfdaşlarla birlikdə ABŞ istehsalı olan “Patriot” zenit-raket kompleksləri (ZRK) üçün raketlərin Ukrayna Silahlı Qüvvələrinə çatdırılmasını sürətləndirmək üzərində işləyir.
“Poliqon” Ukrayna Müdafiə Nazirliyinə istinadən xəbər verir ki, bu sistemlər xarici və yerli hava hücumundan müdafiə (HHM) vasitələri arasında ən yüksək effektivlik göstəricilərini nümayiş etdirir.
Xüsusilə, bu yaxınlarda Ramşteyn formatında keçirilən görüş zamanı bir sıra Avropa tərəfdaşları ilə öz anbarlarından “Patriot” üçün raketlərin təcili tədarükü barədə razılıq əldə olunub.
