Avropa İttifaqı (AB) Komissiyası 2-16 fevral tarixləri arasında Rəfah sərhəd keçid məntəqəsindən 417 nəfərin daxil olduğunu və 422 nəfərin çıxdığını bildirib.Avropa Komissiyasının Xarici İşlər üzrə sözçüsü Anuar Əl Anouni gündəlik mətbuat brifinqində jurnalistlərin suallarını cavablandırıb.
Əl Anouni, Rəfah Sərhəd Yardım Missiyasının (EUBAM Rafah) məlumatlarına istinadən bildirib ki, 2-16 fevral tarixləri arasında Rəfah sərhəd keçid məntəqəsindən 417 nəfər daxil olub və 422 nəfər çıxıb, ümumilikdə 838 sərnişin olub.

Əl Anouni, EUBAM Rafahın yalnız giriş və çıxışı asanlaşdırmaqdan məsul olduğunu və siyahıların İsrail, Fələstin və Misir tərəfindən tərtib edildiyini açıqlayıb. O, bildirib ki, "Sərhəd keçid məntəqəsindən kimin daxil olduğunu və ya çıxdığını müəyyən etmək səlahiyyətimiz yoxdur. Missiyamız əməliyyatları izləmək və dəstəkləmək vəzifəsini daşıyır".

EUBAM Rafah, 2 fevralda Rəfah sərhəd keçid məntəqəsində vəzifələrinə başlayıb.

Bildirilib ki, EUBAM Rafah, Qəzza Planı çərçivəsində Rəfah keçid məntəqəsində əməliyyatların aparılmasında sərnişin daşınmasının tənzimlənməsinə və Fələstin sərhəd personalının monitorinqinə və dəstəklənməsinə kömək edəcək.

aia.az
Tərcümə şöbəsi