ABŞ-nin Kolorado ştatında baş verən yol-nəqliyyat hadisəsi nəticəsində dörd nəfər həlak olub, 29 nəfər xəsarət alıb.
"Far.Az" xəbər verir ki, bu barədə "The Denver Post" qəzeti mənbələrə istinadən məlumat yayıb.
"Koloradonun cənubunda 30-dan çox avtomobilin iştirakı ilə baş verən qəza nəticəsində dörd nəfər həlak olub, 29 nəfər yaralanıb", - deyə nəşr qeyd edib.
Bildirilib ki, hadisə torpağı "I-25" magistral yoluna sovuran güclü küləklə bağlı olub. Hazırda qəza yaxınlığındakı sahə şimal istiqamətində bağlanıb. Yaralılar xəstəxanalara çatdırılıb.
Hazırda hadisənin bütün detalları araşdırılır.
