11 ayın sultanı Ramazan münasibətilə dünya liderləri təbrik mesajları yayımlayır.
Bu liderlərdən biri də ABŞ Prezidenti Donald Tramp olub. O, sosial media hesabında paylaşdığı mesajda Ramazanın mənəvi əhəmiyyətinə diqqət çəkib.
Tramp bildirib ki, Ramazan Tanrının saysız-hesabsız nemətlərinə şükür etmək üçün müqəddəs bir dövrdür.
Onun sözlərinə görə, bir çox amerikalı üçün bu müqəddəs zaman dua və orucu ön plana çıxarır, ailə və icma bağlarını gücləndirir, həmçinin şəfqət, xeyirxahlıq, mərhəmət və təvazökarlıq kimi ortaq dəyərləri təsdiqləyir.
