Mənbənin sözlərinə görə, Rusiya, Belarus və Ukrayna ilə həmsərhəd ərazilərdə əhali sayının azalması Avropa İttifaqının müdafiə qabiliyyətinə birbaşa təsir göstərə bilər. Xüsusilə son illərdə Ukrayna böhranının nəticələri, miqrasiya dalğası və Rusiyaya qarşı tətbiq edilən sanksiyalar fonunda bu bölgələrdə iqtisadi aktivliyin zəiflədiyi bildirilir.
Ən çox təsirlənən ölkələr sırasında Latviya, Litva, Polşa, Finlandiya və Estoniya göstərilir. Həmin ölkələrin şərq sərhəd bölgələrində həm iqtisadi fəallığın azalması, həm də demoqrafik geriləmə müşahidə olunur.
Məlumata görə, Avropa Komissiyası bu həftə şərq sərhəd bölgələrinin dəstəklənməsinə dair xüsusi plan təqdim edəcək. Sənəddə qeyd olunur ki, "Avropanın təhlükəsizliyi şərq sərhədlərindən başlayır. Güclü, çiçəklənən və dayanıqlı şərq sərhəd regionları bütün subkontinentin təhlükəsizliyinin təmin edilməsində əsas rol oynayır."
Yeni təşəbbüsün əsas məqsədi əhalinin bölgələrdə qalmasını təşviq etmək, iqtisadi sabitliyi gücləndirmək və müdafiə baxımından strateji əhəmiyyət daşıyan ərazilərin zəifləməsinin qarşısını almaqdır.
Təklifinizi, şikayətinizi bizə yazın. Sizi dinlərik. 055 634 88 31
