Niderland millisinin sabiq futbolçusu Uesli Sneyder argentinalı müdafiəçi Nicolas Otamendi ilə bağlı sərt fikirlər səsləndirib.
Vətəninfo.az xəbər verir ki, Ziggo Sport-a açıqlamasında Sneyder bildirib ki, Otamendinin davranışı yersiz olub.
“Otamendiyə cavab verərdim ki, Dünya Kubokunu Argentinaya sən deyil, Messi qazandırıb. Sənin bu uğurda payın yoxdur. Hesab 0:1 olarkən tatunu göstərirsənsə, deməli başında problem var”, – deyə o vurğulayıb.
Uesli Sneyder həmçinin Vinicius Junioru müdafiə edərək onun nailiyyətlərini xatırladıb:
“Vinisius özü Çempionlar Liqasının ikiqat qalibidir. Səhv komandaya qarşı döyməni göstərirsən”, – deyə sabiq yarımmüdafiəçi əlavə edib.
Qeyd edək ki, futbolçular arasında yaşanan gərginlik sosial şəbəkələrdə geniş müzakirələrə səbəb olub.
