Rusiya Prezidenti Vladimir Putin dolayı yolla əmisi oğlu Mixail Şelomov vasitəsilə VK və Max şirkətlərində paya sahibdir.
Bu barədə “Dojd” qəzetinin məlumatına görə, araşdırmaçı jurnalist Andrey Zaxarov bildirib.
Onun sözlərinə görə, Putin hakimiyyətə gəlməzdən əvvəl Şelomov fotoqraf kimi çalışıb, lakin sonradan “Sogaz” sığorta şirkətində və Yuri Kovalçukun bankı ilə əlaqəli qurumlarda milyardlarla dollarlıq pay əldə edib. Lakin Zaxarov iddia edir ki, bu aktivlərin rəsmi sahibi aşağı profilli həyat tərzi sürür və Sankt-Peterburqda adi bir şəhər evində yaşayır.
“Soqaz” Rusiyanın ən böyük sığorta şirkətlərindən biridir və illik gəliri 150 milyard rubldan çoxdur.
Ukraynaya qarşı tammiqyaslı müharibə başlamazdan əvvəl Şelomov şirkətin 12%-nə sahib idi. Sanksiyalar tətbiq edildikdən sonra “Soqaz”ın səhmdar strukturu gizlədilib. Eyni zamanda, Şelomova məxsus “Aktsept” şirkətinin maliyyə hesabatlarına görə, o, “Soqaz”da paya sahib olmağa davam edə bilər. İctimai hesabatlarda həmçinin qeyd olunub ki, “Soqaz” VK-da səhmdardır və potensial olaraq iki şirkəti rəqəmsal aktivlərlə, xüsusən də “Max” platforması ilə əlaqələndirir.
//Samir Qurbanov, Editor.az
