Qaynarinfo saytından alınan məlumata görə, ain.az bildirir.
"Qalatasaray"ın UEFA Çempionlar Liqasında "Yuventus"u 5:2 hesabı ilə məğlub etdiyi tarixi qarşılaşmanın əks-sədası davam edərkən, transfer bazarında da yeni proseslər başlayıb.
Qaynarinfo xəbər verir ki, "sarı-qırmızılılar"ın nigeriyalı hücumçusu Viktor Osimhenə Avropanın nəhəng klublarından biri rəsmi şəkildə maraq göstərməyə başlayıb.
İspaniya mətbuatının yazdığına görə, Viktor Osimhen yay transfer pəncərəsinin əsas fiqurlarından birinə çevrilməyə namizəddir. Onun performansı və beynəlxalq nüfuzu bir neçə Avropa nəhəngi arasında ciddi transfer yarışının formalaşmasına səbəb olub.
"Qalatasaray"ın mövsümün əvvəlində 75 milyon avro qarşılığında heyətinə qatdığı nigeriyalı forvard yenidən böyük klubların diqqət mərkəzinə düşüb. Transferinin yay aylarının ən böyük keçidlərindən birinə çevriləcəyi ehtimal olunur. Onun adı "Atletiko Madrid", "Bavariya" və PSJ kimi klublarla hallandırılır. Hər üç klub böyük oyunlarda fərq yarada biləcək mərkəz hücumçusu axtarışındadır.
"Atletiko Madrid"hücum xəttini gücləndirmək üçün Osimheni ideal profil hesab edir. Onun hərəkətliliyi, müdafiəçiləri geri çəkmək bacarığı və cərimə meydançasındakı dəqiq sonluqları İspaniya klubunun rəqabətədavamlı heyət quruluşuna uyğun gəlir.
PSJ-nin prosesə qoşulması isə vəziyyəti köklü şəkildə dəyişib. Məlumata görə, baş məşqçi Luis Enrike nigeriyalı futbolçunu klubun yenilənmə layihəsində hücum xəttinin əsas fiquru kimi görür. Fransa klubunun maliyyə imkanları nəzərə alınarsa, böyük məbləğdə təklif irəli sürməsi mümkündür. Bu amil danışıqlar həlledici mərhələyə çatacağı təqdirdə, Parisi Osimhen üçün ən real ünvanlardan birinə çevirə bilər.
Bundan əlavə, Fransada çempionluq uğrunda mübarizə və Çempionlar Liqasında müntəzəm iştirak imkanı da təklifi daha cəlbedici edir. Klub yalnız transfer haqqını ödəmək gücündə deyil, həm də yüksək səviyyəli müqavilə şərtləri təqdim edə bilər.
"Atletiko Madrid" üçün vəziyyət daha mürəkkəb qiymətləndirilir. PSJ-nin maliyyə gücü və "Bavariya"nın struktur üstünlüyü ilə rəqabət aparmaq asan görünmür.
Klub astronomik rəqəmlərlə mübarizəyə girib-girməmək və ya daha real alternativlərə yönəlmək arasında qərar verməlidir. Marağın olduğu bildirilsə də, bazar şərtləri razılaşmanı çətinləşdirə bilər.
"Bavariya" da ciddi namizəd sayılır. Almaniya təmsilçisi klassik dominant "9 nömrə” axtarışındadır və Osimhen bu profilə uyğun gəlir.
Viktor Osimhen elit hücumçu kimi qiymətləndirilir. Güclü fiziki göstəriciləri, açıq sahədə aqressiv oyunu və təbii qol instinkti ilə seçilən futbolçu Avropanın ən təsirli hücumçularından biri kimi özünü sübut edib.
Aydın
Sonrakı hadisələr barədə daha çox məlumat almaq üçün ain.az saytını izləyin.
